| 4日3夜台北 Day 1 2-9-06 4日3夜台北之旅成員有阿公阿婆阿E同阿媽...老人團-.-4:xx AM起身座的士去......................巴士站轉巴士, 因為有2位老人家座巴士有半價..6:xx去到機場, 見到個領隊都ok後生, 一般靚. 之後去食早餐等上機 7:51上機, 港龍. 同上年既馬航比,d空姐係好左, 不過個飛機餐cheap左好多,fix死左得一款, 飲品係維他奶. 10:00到左”中正國際機場”(我返黎香港之後一日就改左名叫台灣桃園國際機場). 見到個導遊, 一聽佢語氣已經覺得佢好串...似訓導主任多d...... 首先去鼎泰豐食lunch, 出名上海野. 呢度d service超超超好, 一入去個個” 歡迎光臨都” 都有鞠躬. 香港? 黑面234就有佢份. d野食就唔覺得特別, 最多係d小龍包d皮做得好, 唔會穿. 食完去行左陣就去第一個景店: 木柵動物員. 入面都ok多野睇, 真係咩動物都有...不過可惜得2個鐘, 一跟趕往黎睇都唔夠時間睇全場...真係要行晒可以行一日, 下次自由行一定慢慢行晒佢...返上車, 座左成粒鐘去淡水舊街, 食既野多. 全部小食, 有烤魷魚, 花枝*,烤臭豆腐等...全部都好正. 飲既鋒蜜苦瓜汁都好正! 係呢度買左d鐵蛋. 行完又用左1個鐘時間返酒店...之後出去西門町自已活動+食晚餐...呢度=香港既旺角, 不過多d街頭少食同d人高質d. 行過間類似HMV既野,d DVD起平HK$47起, 神雕俠侶買齊上下集DVD都係$115...唔駛受TVB氣,早d去台灣咪好..... 之後去食鵝, 唔錯, 不過少少貴. 食完出去繼續行下西門町,d衫同香港差唔多貴...行下行下就返左酒店啦, 途經7-11, 發現d飯品全部都比香港平同多好多選擇, 仲有有氣既雀檸, 買左, 唔錯. Day 2 3-9-06 今日自已活動日, 係酒店食完個早餐再問下個串嘴導遊有咩行就出發啦. 先去最近既西門町地鐵站(其實係捷運)買張1 day pass既ticket, cost HK$35,全日所有捷運站自由出入! 台灣d捷運同香港既地鐵差唔多, 一樣有類似百達通既野.. 個車廂比地鐵舒服好多好多! 第一站---台站車站, 行左陣地下街, 冇乜特別, 只係係地下既商場, 之後上地面, 行左個叫iMall既Shopping Mall, 地面有少少電腦野買, 價錢略貴,3樓有個高達館, 高達迷一完鐘意,d模型都ok平. 之後睇左間賣PC Game既shop ,WOW月費$90 only.... 而家好後悔冇買返2張返黎-.-係個商場見到個幫自已鋪頭派傳單既職員, 係人行過都鞠往躬派張野比你+講隨便睇, 再一次睇到香港同台灣既分別....then出發等2站, 台北101. 去到行下左個商場, 全部名牌店, 真係得個行字. 呢個商場感覺有少少似Malaysia既雙子塔個商場.” 行” 去左佢個food court食lunch.... 佢個food court超大+超多野食, 我唸香港真係暫時未有一個比得上佢...我自已就食左個鐵板魷魚+牛肉餐. 食完就行去” 華納威秀影城”, 唸往有d野睇下, 點知只係一個有戲院既shopping mall......跟往因為時間所限, 要走人了, 佢地返酒店執野準備去浸溫湶, 我就自已係忠孝新生站落車行下電腦商場再約返時間係西門町站一齊去溫湶. 唸往去見識下台灣d電腦野, 不過又係時間所限, 行左個我唔肯定係咪我唸往去個個,d野香港差唔多價, 有d香港仲平d tim~跟往行左陣就走了...同佢地一齊去溫湶, 座左去北投站再轉另一條線去新北投, 個導遊推介我地去一間叫夜林既浸, 於是座計程車去, 個司機勁好人, 佢話自已係呢度本地人, 話唔駛去到夜林, 話度唔係特別好, 只係源頭, 有間唔駛上車既叫春天都好好, 不過唸往還掂黎到咪上埋山 , 仲話個間野要食完飯先浸得, 我地同佢講要搵d可以著泳衣+有獨立romm既, 佢就車左我地去有3間我地choos. 結果我地去左間叫” 湯盧” 既,2人1 room, 仲有spa tim~浸完好舒服, 個度d service又係唔錯, 又問我地駛唔駛call 的又比水我地飲...之後座左陣等的士走人返去新北投座捷運去士林夜市dinner, 個度超多野食, 又平! 我地首先食左個鐵板燒(睇往佢燒個d), 一set可以2個人食既都係$96, 之後又食左蚵仔煎同臭豆腐, 仲有又飲多次鋒蜜苦瓜汁. 之後就走人返酒店lu~ Day 3 4-9-06 今日食完早餐就先去左中中正紀念堂, 都係一般記念館, 冇咩特別, 不過個導遊就講左半個鐘野史先肯放我地自已行...行完就比佢車去shopping.... 賣珍珠的...then lunch, 食石頭火鍋, 乜都有得食, 唔錯...食完去忠烈祠睇人操兵..... 之後去左美麗華百樂園, 一個有全球最高既百米摩天輪的商場. 上去座左一round, 落返黎就行下個商場. 之後又去左故宮博物館, 入面好多古董睇...我阿媽話多過北京個個好多. 之後夜晚再去士林夜市食野, 今次得1:30食, 分別食左黑椒腸, 官材板(多士炸完再加其他料上去),$7勁大杯+d珍珠吸極都吸唔完既珍珠嬡奶茶, 紅油炒手, 麻辣臭豆腐, 牛肉麵,$10勁大塊既豪大雞排--好食過KFC個d.....etc 食完座左一粒鐘車去一間好遍遠既酒店, 不過就設備好少少, 往一晚. Day 4 5-9-06 呢間野個早餐好唔掂, 冇乜野好食.... 食完又座返一個鐘車返台北.. 第一站又去shopping, sell野生靈之, 得個貴字. 之後就lunch. 食台菜. 食完上圖山大飯酒影相, 之後去九份, 係山上面黎的, 好彩冇落雨~呢度有d似赤柱, 都係賣下d手信同有地小食食下咁, 聽個導遊講呢度睇日出好正, 下次自由行一定試下. 係呢度行完就出發機場lu.... 去到機場食左d野行左陣就上機, 都係港龍. 黎個時早餐cheap姐, 唸往dinner應該有1 2個餐你選掛........ 點知連dinner都fix死一個餐,d野又係勁cheap, 橙汁紅酒要主動問佢先有...d空中節目又唔lala restart由頭播過...真係唔掂....10:xx到香港座巴士返屋企.... 今次去源台灣, 覺得當地人真係好nice, d人既質數比香港好...., 食野飲野比香港平, 環保, 仲有求其係街搵一個都好過香港d港姐,捷運全日任座都係$35.d氣油都平, 香港14/L 佢地 6/L...所以當地人多數有車, 冇都有電單車. 個人覺得, 香港除左環境環靚d(台灣環境有少少大陸feel)同d巴士舒服d外, 同冇天災外., 台灣其他方面都比香港好! 移民2nd choose 台灣! 出年有機會要同你地去自由行! 可以試食檳榔 XDD! |
